Around The World ලොව වටා LK

සිත් කියවිය හැකි ක්‍රමය ( Mind Reading )

කීප දෙනෙක්ම සැරින් සැරේ කරපු ඉල්ලීම නිසා සිත් කියවන හැකියා ලබාගන්න ආකාර ගැන මේ පොස්ට් එකෙන් විස්තර කරන්න මම තීරණය කළා. මුලින්ම කියන්න ඕනි සිත් කියවීමට වෙනම shortcut භාවනා හෝ ක්‍රමවේද නෑ. සාමාන්‍ය භාවනාවක් කරලා හැකියාවක් ලබා ගැනීම තමා කරන්න වෙන්නේ. mind reading හැකියා ලබාගැනීමට යන්න පුළුවන් ක්‍රම 3ක් තියෙනවා. පලවෙනි දේ third eye විවර කරගැනීම. අනිත් ක්‍රමය මනිපුර චක්‍රය විවර කරගැනීම. අවසාන ක්‍රමය වෙන්නේ ධ්‍යාන ලබාගැනීම. ධ්‍යාන ක්‍රමය සඳහා අඩුමගානේ ප්‍රථම ධ්යානයවත් අවශ්‍යයි. ඊට වඩා ලේසි ක්‍රමනම් සිත් කියවීම සඳහා නෑ. මේ ක්‍රම වලින් ලේසිම ක්‍රමය වෙන්නේ තෙවැනි ඇස භාවිතය. මනිපුර චක්‍ර ක්‍රමය හා ධ්‍යාන මාර්ගය ලේසි වෙන්නේ දැනටමත් ධ්‍යාන ලබාගන්න උත්සහාවත් කරන කෙනෙක්ට විතරයි.

third eye මගින් සිත් කියවීමට මුලින්ම තෙවැනි ඇස විවර කරගන්නම වෙනවා. තෙවැනි ඇස විවර කරගත්තම එකෙන් කරන්න පුළුවන් දේවල් තමන්ටම තේරෙනවා. තෙවැනි ඇසෙන් තමන්ට සිත කියවීමට අවශ්‍ය කෙනා අරමුණු කලාම සිත කියවන්න පුළුවන්. third eye විවර කරන නිවැරදි භාවනා මේ ලින්ක් ක්ලික් කරලා කියවන්න:
1.ගින්දර භාවිතය
2.සුළඟ භාවිතය
3.ජලය භාවිතය

නාභියට අඟලක් පිටුපසින් තියෙන මනිපුර චක්‍රය හුස්ම මගින් විවර කරගනිමෙනුත් අනුන්ගේ සිත් කියවීමේ හැකියාව ලබාගන්න පුළුවන්. මේ සඳහා කරන්න ඕනි නාභිය හරහා හා  මනිපුර චක්‍රය හරහා හුස්ම  එනවා යනවා හිතමින් දීර්ඝ වෙලාවක් භාවනා කිරීම. හුස්ම නාභිය හරහා මනිපුර චක්‍රය හරහා ඇතුලට ගිහින් නැවත මනිපුර චක්‍රය හරහා නාභිය හරහා හුස්ම පිටවෙනවා සිතමින් භාවනා කරන්න ඕනි.  හැබැයි මේ යෝගය වැඩිය යුත්තේ මිට කලින් එකදිගට කාලයක් තිස්සේ මොනයම් හෝ භාවනාවක් කරලා සැලකිය යුතු තරම් දුරට මානසික එකඟ කමක් ඇතිකරගෙන තියෙන කෙනෙක් විතරයි. මිට කලින් භාවනාවමය දියුණුවක් නොලැබූ කෙනෙක් හෝ අලුතෙන්ම භාවනා පටන් ගන්න කෙනෙක් මේ අභ්‍යාසය කලොත් අනිවාර්යෙන්ම සිහි විකල් වීමක් වෙනවා. ඒ නිසා අධිමානසික හැකියා වලට ලෝබ වෙලා තමන්ගේ සාමාන්‍ය මානසික මට්ටමත් නැතිකරගන්නෙපා. ටික කාලයක භාවනා පළපුරුද්දක් හා එමගින් මානසික දියුණුවක් ඇති කරගත්  අය විතරක් මේ අභ්‍යාසය කරන්න. අනිත් අය මේක ගැන හිතන්නවත් එපා.


ධ්‍යාන  ක්‍රමය සඳහා මුලින්ම භාවනාවකින් හිත එක්තැන් කරගන්න වෙනවා. මම දන්න ක්‍රමය තේජෝ භාවනාව නිසා තේජෝ භාවනාවෙන් සිත් කියවන ක්‍රමය පැහැදිලි කරන්නම්. මේ භාවනාව සම්ප්‍රදායික තේජෝ කසිණ භාවනාව නෙවෙයි. පහසු ආසනයකින් වාඩි වෙලා පහන් දැල්ලක් හෝ ඉටිපන්දම් දැල්ලක් දිහා බලාගෙන තේජෝ තේජෝ කියලා හිතමින් හෝ ගින්දර ගින්දර කියල හිතමින් හිත එකඟ කරන්න. ටික වෙලාවක් දැල්ල දිහා බලාගෙන භාවනා කරලා ඇස වහගෙන පෙනෙන දැල්ල දිහා බලාගෙන හිත එක්තැන් කරන්න. දැල්ල නොපෙනී යනකොට නැවතත් ඇස ඇරලා භාවනා කරලා නැවතත් ඇස වහන් භාවනා කරන්න.

මේ විදියට භාවනා කරන යද්දී හිත හොදින් එක්තැන් උනාම ඇස අරගෙන ඉන්නකොට පේන විදියටම ඇස වහගෙන ඉද්දිත් පහන් දැල්ල එකදිගටම පේන අවස්තාවක් එනවා. මේකට කියන්නේ උද්ග්‍රහ නිමිත්ත කියලා. මේ වෙලාවේදී හිත ගොඩක් දුරට එක්තැන් වෙලා උනාට හොදටම එක්තැන් වෙලා නෑ. සැරින් සැරේ වෙන අරමුණු වලට හිත යනවා.  මේ තත්වයට ආවම ඇස වහගෙන පේන දැල්ල දිහා බලාගෙන එකදිගට හිත එක්තැන් කරන්න. මේ විදියට එකදිගට හිත එක්තැන් කරනකොට හිතට වෙන කිසිම අරමුණක් එන්නතුව එකදිගටම පහන් දැල්ල පේන තත්වයට හිත පත්වෙනවා. සමහරුන්ට මේ අවස්ථාවේදී පහන් දැල්ල වෙනුවට බල්බ් එකකින් එලිය විහිදෙනවා වගේ ආලෝක පුංජයක් පේනවා. මේ අවස්ථාවේදී හිතට අරමුණු වෙන භාවනා අරමුණට (පහන් දැල්ල හෝ ආලෝක පුංජය)ට කියන්නේ පටිග්‍රහ නිමිත්ත කියල. මේ අවස්ථාවට තමා සරලව කියනවනම් ප්‍රථමධ්‍යානය කියන්නේ.

මේ විදියට දිගටම හිත එක්තැන් කරලා 4 වෙනි ධ්යානයටම හිත එක්තැන් කලාම ධ්යානමය හිතින් අධිෂ්ඨාන කරලා පරචිත්ත විජාණන ඥාණය ලබාගෙන අනුන්ගේ සිත් බලන්න පුළුවන්.ඒ සඳහා ගොඩක් මහන්සි වෙන්න වෙනවා.

ඒත් ඊට කලින් ප්‍රතමධ්යාන මට්ටමට හිත එක්තැන් කරගත්තම තමන්ට අවශ්‍ය වෙලාවට ධ්‍යානයට එලබිල අධිෂ්ඨාන කරලා හෝ වෙනත් උපක්‍රම මගින් අනුන්ගේ සිතක් බලන්න පුළුවන්. ධ්‍යාන මට්ටමට ආවම ඒ සඳහා කරන්න ඕනි දේ තමන්ටම තේරෙනවා. තමන් කරන භාවනාවේ හැටියට කරන්න ඕනි දේ වෙනස් වෙනවා. මේක තමා ධ්‍යාන මගින් සිත් කියවන්න පුළුවන් ලේසිම ක්‍රමය. මේ විදියට වෙනත් භාවනාත් කරලා ප්‍රතමධ්යානය ලබාගෙන හිත කියවන්න පුළුවන්. හැබැයි මේ ක්‍රමය කරන්න පුළුවන් කසිණ භාවනා , ආනාපානසති භාවනා වගේ ඒවාට විතරයි. මෛත්‍රී , බුද්ධානුස්සති වගේ භාවනා වල භාවනා අරමුණු වල ස්වභාවය  කසිණ අරමුණු වලට  වඩා වෙනස් නිසා ඒ භාවනා මගින් මේ උපක්‍රම භාවිතා කරන්න බෑ.

මිට අමතරව ආනාපානසතිය, මෛත්‍රී භාවනාව, අනිමිත්ත භාවනාව, වගේ භාවනා කරනකොට ධ්‍යාන මට්ටමට කලින් යම් තරමකට හිත එක්තැන් උනාම අනුන් හිතන දේවල් දැනෙන්න ගන්නවා. අනිත් අය කියන්න යන දේවල් එයාලා කියන්න කලින් තමන්ට හිතට දැනෙනවා. හැබැයි මේ මට්ටමේදී තමන්ට උවමනාවෙන් වෙන කෙනෙක්ගේ හිත කියවන්න බෑ. ඉබේ දැනෙනවා විතරයි, එක හැමවෙලාවටම සිද්ද වෙන්නෙත් නෑ සමහර වෙලාවට විතරයි වෙන්නේ.


mind reading හැකියා ලබාගන්න උත්සහ කරන අය වෙනුවෙන් සාමාන්‍ය මට්ටමේ සිතුවිලි කියවීමේ හැකියාවක් ලබාගන්න පුළුවන් අධිමානසික අභ්‍යාසයක් මම සඳහන් කරන්නම්. මේ සඳහා තවත් කෙනෙක්ගේ උදවු ඕනි වෙනවා. යාලුවෙක් හෝ පවුලේ කෙනෙක් වගේ කවුරුහරි එක්ක මේක කරලා බලන්න. මුලින්ම      තමන් ආනාපානසතිය හෝ අනිමිත්ත භාවනාව දිනපතා වඩන්න ඕනි. වෙනත් භාවනාවක් දැනටම කරනවානම් එමගින් හොදින් හිත එක්තැන් වෙනවනම් ඒත් කමක් නෑ. අභ්‍යාසය විදියට කරන්නේ අභ්‍යාසයට සහභාගී කරගන්න කෙනාට යම් දෙයක් හිතන්න කියල තමන් ඒ දේ හිතින් අරමුණු කරගන්න උත්සහ කිරීම. මුලදීම මේ සඳහා ප්‍රතිවිරුද්ද ද්විත්ව කරුණු වෙන දේවල් භාවිතා කරන්න (ඉර හඳ , ආලෝකය එලිය , සුදු කළු ). තමන්ගේ යාලුවට සුදු කළු පාට දෙකෙන් එකක් තෝරාගෙන එක ගැන හිතන්න කියල එයා හිතන දේ තමන්ගේ හිතින් අරමුණු කරගන්න උත්සහ කරන්න. දවස් කීපයකට පස්සේ ඉලක්කම් 10කින් එකක් හෝ පලතුරු වර්ග 10කින් එකක් වගේ දෙයක් හිතන්න කියල ඒ දේ අරමුණු කරගන්න උත්සහ කරන්න. මේ විදියට ටිකෙන් ටික ගැඹුරු කරගෙන යන්න. මේ මගින් අනුන්ගේ සිතුවිලි වලට තමන්ගේ හිතේ හා තමන්ගේ මොලයේ සංවේදීතාවය ටිකක් වැඩිකරගන්න පුළුවන්. හැබැයි මේකෙන් ප්‍රතිඵල ලැබෙන්නේ දිනපතා භාවනා කරන ගමන් කලොත් විතරයි. ඒ වගේම මේකෙන් අනුන්ගේ හිත කියවීම වගේ සංකීර්ණ හැකියාවක් ලබාගන්න බෑ.

මේවා තමා හිත කියවන්න පුළුවන් විදි විදියට තියෙන්නේ. මම සමහර පොත් වල තියෙනවා දැකල තියෙනවා වෙන කෙනෙක්ගේ ඇස් දිහා බලන් ඉදල නළල මැද දිහා බලන් ඉදලා හිත කියවන්න  කියල. හැබැයි ඒවා ප්‍රායෝගිකව කාලාට ප්‍රථිපලයක්නම් දැකල නෑ. සැලකිය යුතු  තරමකට හිත එක්තැන් නොකරනම් mind reading හැකියාවක් ලබාගන්න පුළුවන් කමක් නෑ.

උද්ග්‍රහ නිමිත්ත ගැන කියන්න ඕනි විශේෂ දෙයක් තියෙනවා. උද්ග්‍රහ නිමිත්ත කියන්නේ පහන් දල්ල දිහා එකදිගට බලන් ඉදල ඇස් වහගත්තම පහන් දැල්ලේ හැඩේට පෙනෙන ආලෝක ලපය නෙවෙයි. ඒක භාවනා කරන කෙනෙක්ට නෙවෙයි ඕන කෙනෙක්ට බල්බ් එකක් දිහා බලන් ඉදලා ඇස් වහගත්තාමත් පේනවා. උද්ග්‍රහ නිමිත්තේදී පෙනෙන්නේ ආලෝක ලපයක් නෙවෙයි පහන් දැල්ල වගේම ඒ පාටවල් වලින්ම යුක්ත රූපයක්. හැබැයි ඒ දැල්ල ඇත්ත පහන් දැල්ල තරම්ම දීප්තිමත් නෑ. එත් හැඩය හා පාටවල් පහන් දැල්ල වගේමයි. මේ උද්ග්‍රහ නිමිත්තයි ආලෝකයක් දිහා බලන් ඉදියම ඇසේ ඇතිවෙන ආලෝක ලපයයි වෙන් කරලා හදුනාගැනීම අත්‍යවශ්‍යයි. ආලෝක ලපය ගැන භාවනා කරලා සමාධිය ඇතිකරගන්න පුළුවන් කමක් නෑ.

මනිපුර චක්‍රය ගැනත් කියන්න ඕනි විශේෂ දෙයක් තියෙනවා. මනිපුර චක්‍රය තියෙන තැන ගැන වැරදි මතයක් ලංකාවේ ගොඩක් පොත් වල තියෙනවා. මනිපුර චක්‍රය පිහිටලා තියෙන්නේ නාභියට එක එල්ලේ අඟලක් පිටුපසින්. නාභියට අඟලක් පිටුපසින් මිසක් නාභියට පහලින් නෙවෙයි. මනිපුර චක්‍රය නාභියට ඒක එල්ලේම අඟලක් පිටුපසිනුයි පිහිටලා තියෙන්නේ.